新闻

汤家骅赠言黎晓晴:不要遇上这类“教师”

星岛环球网消息:一个社会难道可以无道德标准?教育局副局长蔡若莲经歷丧子之痛后,教育大学民主墙出现对蔡若莲人身攻击嘅冷血标语,但教育大学学生会会长黎晓晴不但无动于衷,反而用道德无绝对标准嘅言论为学生开脱。

香港《大公报》报道,“从来没听过为人师表者会说道德是没标准的。”行政会议成员、民主思路召集人汤家骅(Ronny)寻日听到黎晓晴“道德没有绝对标准,没有人有道德批判权”嘅言论后有感而发。佢喺社交网站感叹话,唔知呢位会长代表咗几多教大嘅学生同年轻人,更唔知教大校长张仁良同校董马时亨听咗会有何感想,但佢自己听咗却系“不寒而栗”。“但愿我们的下一代,不要遇上这一类‘教师’……”Ronny一句说话,唔知道出咗几多家长嘅心声。老师对学生嘅影响至深,试问,边个愿意自己嘅仔女喺无道德底线老师嘅教育下成长呢?