35岁高海宁（高Ling）在《童时爱上你》饰演因失忆变成只得8岁记忆的女强人“Amanda”，演绎时好玩又有难度，不过跟TVB倾续约条件都讲求有代表作的她，完全享受当中过程。受童年经历影响的高Ling，坦承好容易受外界影响，原来曾经无数次想过退出娱乐圈，幸得发哥等前辈鼓励学识放开。 

扮8岁小朋友“彤彤”，高Ling觉得冇任何框框最好玩。

演“彤彤”扮“Amanda”戏份，高Ling觉得最难拿捏。

在《童》剧中高Ling觉得最困难并非扮8岁小朋友“彤彤”，而是“彤彤”扮大人“Amanda” 的阶段性进步，“因为会跳拍，所以最难系点样拿捏，佢叻咗几多嗰啲程度。”今次演“彤彤”，亦令她回忆起自己童年，因在婆婆家长大，父母不在身边，令她性格变得内敛及缺乏安全感，“我唔可以话系缺憾，但导致我性格比较敏感，对自己要求好高，觉得做好啲先会得到人哋锺意，所以入行初期会畀自己好大压力，好容易唔开心。”

高Ling小时候跟婆婆长大，所以感情特别好。

重视生活平衡

在娱乐圈难免活在别人目光下，这种无形极大令高Ling想过无数次退出，“几努力大家都唔系好接受我，呢样嘢系令我好大打击，就算我进步紧，大家点解仲系将焦点放喺我身材度，我唔系净系得呢一面，我唔介意你欣赏我身材好，但系同时间可以接纳埋其他方面。”

高Ling初出道时，好身材确实成为她的主要焦点。

高Ling在30岁后经验多了，亦听过好多前辈教路，特别在电影《赌城风云II》合作过的发哥一夕话，终于能够释怀，“佢同我上嘅第一课，就系话我太紧张，对自己要求好高，好多嘢揸得好实，你只手揸得咁实入面系冇嘢，要打开手先可以拥有全世界，原来佢第一日见我，已发现我有呢个问题，所以我有时啲位好执着时，会提自己要放开。”跟发哥跑步的日子，亦令高Ling学懂生活平衡的重要，“佢系好识得工作同生活平衡，同埋大家咪好兴post嘢分享，佢就话好多时可以退后少少，将生活留返畀自己，唔使吓吓都分享出去。”

高Ling跟发哥行山，趁机向对方取经。

原来30岁前的高Ling，曾多次想过退出娱乐圈。

以上内容归星岛新闻集团所有，未经许可不得擅自转载引用。