秋风起食腊味饭最和味。有移英港人在facebook专页“英国香港人生活交流区”上载炮制“膶肠腊肠香菇滑鸡煲仔饭”相片，指“今晚老婆旧同事饭聚”，同时爆料指“一间学校8个老师移英，8个家庭个个都有小朋友”。

楼主确认校长都走埋

有网民惊闻一校8师移英，即替该校校长担心校方人手短缺，指“校长惨了”，岂料获楼主确认原来连“校长都走”了，并指“据我所知，好多间都係咁”。

楼主还认为香港“每个行业都断层，问题已经逐渐浮现”，有回应的网民应同，指“汽车业”也如是；不过也有人指“我身边无咁嘅情况。......移民嘅旧同事只有IT（资讯科技）人”。

▲楼主帖文。网上截图

网民：7万一个月做乜移民做基层？

对于有人好奇发问“唔明成6万、7万一个月，做乜走？嚟到英国又要由基层做起”，获网民傲气回应

•“儍猪猪嚟嘅！因为英国嘅基层全部住house（平房）囉......”、

•“喺香港就算月入10万，做一世都住唔到house同养两架车啦”、

•“而且，今日你需要搵6万、7万1个月，人哋已经袋住10年呢个价”。

有网民还提到“而家（英国）真係好多香港人，睇楼都见到两批排队......”、“我係最早嗰批来。21年3月，嗰时我个city（城市）係无香港人”。

网民教路煮味美腊肠煲仔饭

说过移民话题，网民言归正传点评相中有9条腊肠的“腊肠香菇滑鸡煲仔饭”，有人形容为“暗黑料理一样”，并教路如何煮出味美的腊肠煲仔饭。

▲“膶肠腊肠香菇滑鸡煲仔饭”上桌。网上截图

•“腊肠本身熟，饭滚开始收水放都仲可以，太早放完全出油，冇咁好味”、

•“腊肠放早咗啲，这样会水滚腊肠汤煮饭。预先将腊肠飞飞水，留待见饭面嘅水已收得七七八八，才放腊肠会更好”、

•“腊肠太早太早放，我从小家人唔会咁教我......以前嘅人唔会咁做，下次等仲有少少水就收水前放，煮多几次就会有感觉同经验”。

楼主虚心学习，自认“厨房初哥係咁上下，路煮一路学”，承诺“下次收水先落”。

以上内容归星岛新闻集团所有，未经许可不得擅自转载引用。