年初三(1月24日)系前港姐冠军刘倩婷（Sandy）37岁生日，著名玄学家老公李丞责 (丞丞师傅)悉心为老婆安排咗个惊喜生日派对，派对上聚集唔少圈中有钱有面朋友，出席的包括甄子丹及汪诗诗、吕良伟跟杨小娟、陈豪与陈茵媺、胡杏儿及老公李乘德、黎诺懿与太太李洁莹、还有周励淇及向太陈岚夫妇等。丞丞师傅准备了4个蛋糕及大束的红色玫瑰花，○凼得老婆好开心，给他99.9分，笑言0.1分系进步空间，留待他明年再发挥！

Sandy接受《星岛头条》访问时表示：“过往两公婆都系简简单单食餐饭庆祝就算，可能老公见疫情过去，就约埋啱倾嘅朋友嚟聚聚，当日系大年初三赤口日子，仍有咁多朋友赏面嚟食饭真系好开心，尤其事前完全唔知道系搞party，去到现场见到朋友渐渐到场好惊喜，佢哋都送咗贴心礼物畀我，包括花束、饰物、袋仔等。”

问到会否追个兔B嚟回敬老公？育有两女的她却表示未有呢方面计划：“大女李仟辰好叻入咗汉基国际学校，𠵱家要专心照顾佢哋。今次聚会乘机同朋友交流凑女心得，得益良多。”

以上内容归星岛新闻集团所有，未经许可不得擅自转载引用。