清明扫墓慎终追远，也是重要的家族、家庭聚会。正所谓“有咩留返拜山先讲”，但言多必失，有港女昨日（3日）以“拜山拜到闹交，妈咪话想离婚……”为题在“香港讨论区”网页发帖，指父亲在扫墓时了说漏了嘴，自爆咸丰年前的情史，弄得母亲大人“返屋企成程车都唔讲嘢”，“返到屋企执咗几件衫去朋友屋企住几日冷静下”，接著仲想找关于离婚的资料。

由于清明节临近，有回应的网友狐疑“你阿爸鬼上身先自爆？”、“清明时节鬼拍后尾枕？”、“真係唔好拜山先讲！唔通等先人去做和事佬？”。

市民扫墓实况及网民回应：

▲清明扫墓慎终追远，也是重要的家族聚会。资料图片

楼主表示，“成家人寻日去咗拜山，阿爸唔小心自爆当年阿嫲逼佢娶妈咪，当时阿爸有个好钟意嘅女仔要被逼分手，阿婆同阿嫲係好好朋友，所以叫阿爸妈咪结婚等佢地嘅缘份延续落去”。

其实，妈咪由细已经暗恋阿爸，嗰阵阿爸冇讲佢有钟意嘅人，妈咪以为佢地係情投意合，只係一齐咗1年多啲佢哋就结婚”。

楼主续指，“依家阿爸自爆之后，妈咪先知原来阿爸之前唔係真心钟意自己，觉得好伤心，返屋企成程车妈咪都唔讲嘢，返到去阿妈执咗几件衫走话佢去朋友屋企住几日冷静下先。到夜晚妈咪whatsapp问我搞离婚手续烦唔烦，可唔可以帮佢搵下资料”。

楼主慨叹“真係估唔到因为呢啲咸丰年前嘅事，阿爸阿妈依家先嚟有婚姻危机……阿爸话自己唔知点解会讲咗呢件事出嚟，隔咗咁多年就同个女仔都冇联络，依家係真心爱妈咪，都唔知点先可以帮佢哋和好，边估到拜山会搞到咁……”

网民充当家事感情专家

一听关于男女感情事，网民都充当家事专家，意见纷陈：

•“你呀爸点正女人死穴，好难搞”；

•“原来你一直都无钟意过我，係几Hurt（伤害）的”；

•“呢个世界不嬲都好无奈㗎啦，相爱嘅人唔可以喺埋一齐有乜咁出奇啫”；

•“隔咗咁多年先知自己拆散咗对情侣，呢啲秘密真係应该带入棺材……”；

•“女人真係烦，同你呀妈讲！呀爸而家无女人，你都要嘈离婚咁，我叫呀爸而家实实在在搵个女人先，咁你哋离婚就死心，唔会拖拖拉拉。好唔好？”；

•“你阿爸又係嘅。件事只有佢能解决，当追过佢啦。至紧要话一直好喜欢和感激老婆啦”；

•“女人下咗啖气再倾下啦，好简单搞嗟，女人为咗头家会好快冇事，再想张件事好d，讲笑咁同妈咪讲：老豆阉咗架啦，同唔到第二个女人搞嘢架啦，凼番妈咪囉”；

•“过到人过到自己，睇下你妈过唔过到自己囉，如果佢真係介意，结咗婚、仔女大都可以离婚姐，问题係你妈放唔放得开”。

帖文来源：香港讨论区

以上内容归星岛新闻集团所有，未经许可不得擅自转载引用。