近年香港骗案急升，关注民生、报道骗案及拆解骗徒手法的资讯节目《东张西望》成为TVB收视皇牌，香港HOY TV 77台趁势分一杯羹，制作15集《东呃西骗》，集骗案重演及时事报导于一身，仲搵埋前“东张女神”林希灵、林泳淘及黄恺怡主力外景采访，七师傅及Ben Sir(欧阳伟豪)就负责坐堂。身家达10亿的七师傅自爆日日遇网骗，还教大家防骗心得，“总之男人搵（找）你要钱，不论咩（什么）故事都唔（不）可以畀（给）钱。”

▲七师傅及Ben Sir做主持，场景似足《东张西望》。

香港HOY TV 77制作的《东呃西骗》不止场景、Icon跟《东张西望》很像，仲起用“东张女神”坐镇增加亲切感，而TVB旧将黎彼得、梁茵等会扮骗子及苦主重演骗案，Ben Sir及七师傅坐堂做主持，节目于6月初出街，探讨嘅都系香港人容易遇上的买古董、买名牌包包、假扮中国特务、内地公安等真实骗案，监制张志明希望以轻松手法，得啖笑形式来增加观众关注度。

▲身家超过10亿的七师傅，家住西贡逾亿元独立屋，面积约5000呎。

七师傅拒玩异地网恋

七师傅除负责主持，亦会客串其中一集扮演“特务”。她直言现实生活，每日都遇上骗子：“骗子会不停喺社交网留言‘我好钟意你，你靓到不得了’、‘笑容迷人，天生一副明星相’、‘好钟意你嘴型’、甚至提出有兴趣同我合作，叫我介绍吓自己生意，又有自称育有一女嘅失婚医生，话想物色好似我咁嘅对象，最离谱系就算我放花花相，骗徒都会留言赞我靓、眼神好迷人，所以好肯定系‘杀猪盘’，根本唔知我系边个。”持有超过10个物业，身家超过10亿的七师傅相当机警，绝对唔会踩入网恋骗局：“今年网络情缘骗案共被骗4亿，她坚守‘总之男人搵你要钱，都唔可以畀，如果异地恋，见都未见过对方，更加唔会畀。’”

黎彼得戒晒嫖赌饮吹

Ben Sir笑言接咗呢份job经已系一个骗局！因为很费力气，扮完苦主及骗徒，晚上还要入厂跟七师傅做主持：“师傅转数咁快，我要见招拆招，好彩两个加埋系过百岁精英份子，而且呢种模式嘅节目，电视台未做过，辛苦都值得。”去年做完“通波仔”手术后陷财困的74岁黎彼得(Peter)，庆幸至今每月仍获刘銮雄 (大刘)经济支援，托赖可以过住半退休生活，今次监制叫到帮吓手。离婚多时的Peter坦言会寂寞，但几年前戒晒嫖赌饮吹，𠵱家身边只有健康嘅朋友：“我睇得好化，边度会咁易被情骗呀？屙笃尿照吓凭乜先？你估我系李龙基呀，佢有7层楼，我一层都冇！”也坦言以前会去内地逢场作兴，但只要同钱挂勾，各取所需就冇事，玩情就玩唔起。

▲74岁黎彼得几年前戒晒不良嗜好，过住半退休健康生活。

▲黎彼得因为金牌监制张志明(中)客串节目。

▲林泳淘早年经常为《东张西望》出外景。

林泳淘最意外同林希灵离开TVB后，反而多咗碰头机会；至于希灵入到厂如同置身一个熟悉嘅地方，好有亲切感。两女自言从未被骗，但希灵就收过祼聊讯息，而钟健威就透露有朋友嘅妈咪，被“内地公安”骗了300多万。

以上内容归星岛新闻集团所有，未经许可不得擅自转载引用