50岁“绿叶王”戴耀明入行31年，早前终凭《青春》的艺训班导师“李天光”，首度入围《万千星辉颁奖典礼2022》“最佳男配角”最后十强。 多年来默默耕耘的他，初入行曾幻想做周星驰接班人，可惜至近日重播的《EU超时任务》“动L”一幕才稍有回响，令他终于觉醒自己的绿叶位置。 今年中他打算跟圈外女友旅行结婚，现在只望演漫画《一拳超人》电影版，做一次真正主角。星岛环球网

▲戴耀明演了多年戏仍未觉厌，还有做主角的梦想，但绝不强求

戴耀明19岁参加1991 年亚视训练班入行，当年雄心壮志，以为一定有做主角的一天，他的毕业功课是模仿周星驰无厘头式搞笑，校长勉励他有机会做周星驰接班人，令他天真以为梦想会成真，“佢话‘戴耀明你畀心机啦！ 如果你有运加天时地利人和，你可以系周星驰嚟’哈哈！ 就系呢句又唔算累死我，但系突然间松毛松翼，觉得星爷总有一日要退休或者坐歪，咪我嘅世界，哈哈！”

▲戴耀明笑指初入行的照片保存得好好，全靠头号粉丝戴妈妈包好放在衣柜。

出道拍大制作以为上硬位

果然甫训练班毕业，戴耀明被派演1992 年的亚视大制作，戚其义监制的《李小龙传》，“当时被喻为亚视最揼本，远赴加拿大拍，搵吴大维，仲有影帝张家辉，嗰时我同家辉哥都系咁高咁大，哈哈！ 我哋做吴大维嘅左右手，即系损友，我都系模仿周星驰无厘头咁负责搞笑，家辉哥负责型啲冲动同火爆啲，一凹一凸。” 当时他以为剧集播完就会上位，会成为周星驰接班人，“系有啲接班feel，戴黑超搭地铁，但系都冇乜人留意，哈哈！ 我开始明白天时地利人和，亚视收视不嬲唔太好，过咁上下有个心态，咁讲好似好衰，系咪要去TVB呢？！”

▲戴耀明19岁读亚视训练班时影，他笑指有点像黎明，还靠这相成功考入TVB训练班。

戴耀明离开亚视后，1994年读TVB训练班，最初想走斯文靓仔路线，可惜演出机会不多，直到开始转型走性格路线，奋斗目标转为廖伟雄、吴孟达和许绍雄，机会开始多，“靓仔 Chok 嗰啲我Chok唔起，呢几个啱自己，跟住落嚟工作量又多咗，骑呢角色book我好多通告喎！” 当时他出席剧集宣传活动，亦令他认清自己位置，“我唔系有心企喺主角侧边，影相时记者好有礼貌话唔好意思，佢哋净系想影3个主角。” 当时他当然不是味儿，但亦明白记者立场，“你喺度又令人难做，人哋又唔好意思叫你。”

努力演出不及“动L”回响大

戴耀明演过多个角色令人印象深刻，如2010年的《铁马寻桥》“排长”及《巾帼枭雄之义海豪情》“少佐”（日本人向山达也）。 不过回响完全不及2016年《EU超时任务》下体疑出现生理反应一幕，讨论区疯传更被封为“动 L 明”， “呢单嘢后有次宣传，收到公司 PR call我，以为取消或者改时间，点知佢话叫我快少少去，全世界等紧我，咩料呀大佬！ 嗰刹那有主角感觉，真系成班人等紧我，我梦寐以求，冇谂过咁重视小弟。” 虽然他现在好清楚自己位置，但仍未放低主角梦，“嗰时拍广告，套用漫画《一拳超人》呢个主角，啲人记得，希望《一拳超人》可以拍到电影版，系好遥不可及嘅愿望。”

2017年，戴耀明跟拍拖5年的圈外女友分手后一直单身，后来因他误以为患骨癌，跟前女友分忧，女方一句“不如办点喜事冲喜吓”，两人于去年5 月正式复合，他已计划今年年中跟女友到欧洲旅行结婚不摆酒，“唔想好做骚，亦都免除咗得失边个，同埋我哋年纪又唔细，又唔钟意咁高调，围内亲人食餐饭算。” 不过对于生育，他跟未婚妻仍心大心细，“我妈咪就想嘅，但系我一半半，因为今晚即刻生，廿年后我都七张，佢仲未大学毕业喎！ 咁我咪要做到70几岁，呢个系现实问题，随缘啦！”

以上内容归星岛新闻集团所有，未经许可不得擅自转载引用。