一对港产大熊猫龙凤胎话咁快已经两个几月大，一众“契爷契妈”日日捕住海洋公园社交平台，想一睹两只小可爱嘅近况，仲连奶爸奶妈都唔“放过”，话要睇多啲一对龙凤胎同佢哋嘅互动。园方今日（4日）就顺应民意，上载咗一条饲养员喂奶片段，主角係“细佬”！

片段所见，奶妈相当细心，喂之前将少许奶汁滴喺手上面检讨温度，奶咀未送到细佬嘴之前，佢都仍然手舞足蹈，似乎想逃离奶妈嘅“魔爪”去玩。不过当奶咀送到细佬嘴边嘅时候，态度180度转变，立即依偎喺奶妈怀里，郁都唔郁乖乖饮奶，园方搞笑咁话“有奶饮就开勿扰Mode”。

▲喂奶片主角系细佬。

▲细佬坐不定。

▲奶咀一摆到嘴边细佬就郁都唔郁。

▲园方笑称开咗勿扰mode。

网民纷纷留言，大赞“萌到爆表”，亦有人惊讶“大只咗好多”，希望两只“小”熊猫“饮多啲奶，快高长大”。

以上内容归星岛新闻集团所有，未经许可不得擅自转载引用。